മരങ്ങാട്ടുപിള്ളി : 2020 മാർച്ച്‌ മാസത്തിൽ നടന്ന എസ്. എസ്. എൽ. സി, പ്ലസ് ടു പരീക്ഷകളിൽ ഏറ്റവും കൂടുതൽ മാർക്ക്‌ വാങ്ങി വിജയിച്ച ബാങ്ക് അംഗങ്ങളുടെ മക്കൾക്കുള്ള ക്യാഷ് അവാർഡ്, ബാങ്കിന്റെ ആരംഭകാല പ്രവർത്തകരായ ഇരട്ടാനാൽ പി. കുമാരൻ നായർ, കാഞ്ഞിരക്കാട്ടുമന കെ. എൻ. നീലകണ്ഠൻ നമ്പൂതിരി എന്നിവരുടെ ഓർമ്മയ്ക്കായി ഏർപ്പെടുത്തിയിരിക്കുന്ന എൻഡോവ്മെന്റ്, മീനച്ചിൽ താലൂക്കിലെ മികച്ച സഹകാരിക്കുള്ള അബ്രാഹം മാത്യു തറപ്പിൽ മെമ്മോറിയൽ അവാർഡ് എന്നിവ ജോസ്. കെ. മാണി എം. പി ബാങ്ക് ആഡിറ്റോറിയത്തിൽ നടന്ന യോഗത്തിൽ വെച്ച് വിതരണം ചെയ്തു.
ബാങ്ക് പ്രസിഡന്റ്‌ എം. എം. തോമസ് മേൽവെട്ടം യോഗത്തിൽ അദ്ധ്യക്ഷത വഹിച്ചു.
ബാങ്ക് വൈസ് പ്രസിഡന്റ്‌ അജികുമാർ മറ്റത്തിൽ, മീനച്ചിൽ സർക്കിൾ സഹകരണ യൂണിയൻ ചെയർമാൻ ജോൺസൺ പുളിക്കിൽ, മീനച്ചിൽ താലൂക്കിലെ മികച്ച സഹകാരിയായി തെരഞ്ഞെടുത്ത ഉഴവൂർ സർവീസ് സഹകരണ ബാങ്ക് പ്രസിഡന്റ്‌ പ്രൊഫ. ജോസഫ് ജോർജ് കാനാട്ട്, ഭരണ സമിതി അംഗം ജോസ് പൊന്നംവരിക്കയിൽ, സെക്രട്ടറി വിൻസ് ഫിലിപ്പ് എന്നിവർ സംസാരിച്ചു.
